Harreman eredu berriak behar ditugu, eta jendarte harreman berriak ezinbesteko bilakatzen dira, emakumeok, norbere orainaren eta etorkizunaren jabe izateko, norbere buruaren, bizitzaren, sexualitatearen, afektibitatearen, erabakien eta gorputzaren jabe izateko.
Horregatik ARALARen iritziz, jendarte demokratikoa lortzeko, ezinbestekoa da emakumeak herritar oso diren neurrian, legeetatik haratago, eskubide errealak lortzea, espazio publikoa, ekonomikoa, kulturala, politikoa eta soziala libreki eta burujabeki bizi eta eraikitzeko, inoren erasoen eta mugen beldur izan gabe.
Krisi ekonomiko eta finantzieroa pairatzen ari garen garaiotan bestetik, ARALARek gogora ekarri nahi du sistema ekonomiko patriarkalak, inoiz baino larriago golpatzen dituela emakumeak. Izan ere, prekarizazio laborala, lan baldintza duhinen galera, soldaten beherapena, eta espazio publikotik pribaturako itzulera, emakumeongan ari baita eragiten bereziki.
ARALARek azaroak 25ean eta gainerako egunetan, emakumeen eskubideen alde eta ekitatearen aldeko mobilizazio guztietan parte hartzera dei egiten du.
Aralarreko andra-gizonon konpromisoak indarkeria matxistaren aurrean
Aralarren printzipio eta xede eskubide guztien defentsa eta aldarrikapena izanik, gaur azaroak 25, indarkeria matxistaren aurkako egunean, inoiz baino ozenago, emakume guztien eskubide errealak aldarrikatu eta berretsi nahi ditugu. Emakumeak duintasunean, ekitatean, askatasunean eta errespetuan bizitzeko duten eskubidea, bizitzako esparru guztietan.
Aralarreko emakume eta gizonezkook, ondorengo konpromisoak hartu eta aldarrikatu nahi ditugu, emakumeon eta gizonen arteko berdintasun erreala helburu izanik. Eta gure borondatea adierazi nahi dugu, konpromiso horiek norberaren jardun espazioan betetzeko. Eta inguruan ditugun espazio eta norbanako edo eta proiektu kolektiboetan bete daitezen.
Konpromisoak:
1.-Indarkeria matxistak eragindako jarrerak eta jokabideak aurreikusi, identifikatu eta berauek detektatu eta salatzen laguntzeko, prebentzio izpideari eutsita beti ere. Indarkeria matxistaren esparruko jokabideren bat jasatea egokitzen zaigunean, egoerari aurre eginez.
2.- Berdintasun printzipioan oinarrituta kohezkuntza bultzatu, norbanakoen duhintasun etaerabaki- askatasunetik abiatuta, esparru afektibo-sexualean, zaintza konpartituan, eta harreman horizontaletan.
3.- Egunerko jardueratik abiatuta, norbere eta talde jardueran, rol sexista eta lanaren banaketa sexuala apurtu, emakume eta gizonenganako errespetu eta ekitate printzipioan oinarrituz, aldaketarako jarreran, ulermen egoera batera abiatuz.
4.- Edozein jarduera publiko eta pribatuan emakumeen bisibilizazioa bultzatu eta aldarrikatu, hizkuntza inklusiboa erabiliz, jardunbide sexistak gaitzetsiz, eguneroko edozein espaziotan.
5.- Komunikabideetan emakumeok jendarteari egindako ekarpena ikusarazi eta positiboki azaldua izan dadin, lanari eutsi. Eta emakumeenganako trataera, eskubide guztien sibjektu moduan izan dadin eta ez objektu.
6.- Emakumeen enpoderamentu pertsonal eta kolektiboa bultzatu, bai eta emakume eta gizonen arteko elkarlan kidea ere, jendarte justuago, ekitatiboago eta anitzagoa lortzerko.
7.- Pobreziaren feminizazioa ekiditeko lanari eutsiko diogu. Emakumeek kalitatezko lan baldintzak izateko eskubidea errealki gara dadin lanari eutsiz. Amatasun eta aitatasun baimenak norberarenak eta trukaezinak dira, zaintza ardurak konpartituak behar baitira izan.
8.- Emakume eta gizonen arteko berdintasun erreala lortzeko bidean, urteko egun oro aldarri eta lanerako egun izan dadin lanari eutsiko diogu.
|
